W/Q Xamse Maxamed Nuur 23.07.2020 Khamiis Hordhac . Waa maxay Af ? Afku waa dhawaq la fahmi karo,afku waa hadal iyo hadaaq ay sameeyaan qalabkiisu. Maxaan uga jeedaa markaan leeyahay qalabkiisa ayaa sameeya? Qalabka afku waa inta gudaha ugu jirta[Carrab,ilko iyo langadhax] iyo inta dibada[dibno] kuwan ayaa ah kuwa macnaha ku sameeya dhawaqa halka qaybta codkana ay qaabilsanyihiin[Vocal cords] cod sameega dhuunta ku rakiban ee gariiirka erayga tarjuma. Afku waa gallad[nimco] ka mida galladaha ALLE ku galladaystay aadamaha. Afku waa hab iyo hanaan wada xidhiidh oo ay isu fahmi karaan ilma aadam ,jaadadka afka loo dhigo si la isu fahmo waxa loo qaybiyaa laba qaab 1.Dhihitaan[hadal] iyo 2.Dhigaal[qoraal]. Afku waa shayga ALLE ku karaameeyey dadka waana waxa kor loogu qaaday caqliga qofka bini’aadamka ah si uu u fikiro,waxaynu wada ognahay ama Quraanka ALLE weyne inoogu sheegay markii nebi Aadam la abuuray ee la tusiyey malaa’igt...