Skip to main content

Cawo dhalad

     
CAWO-DHALAD

 calmashiyo markaan
Kugu helay cugashaa
Cindigaygu kuu bogay

Cadceedda soo iftiyo
Subaxdii curatiyo
Casarkiyo fiidkiyo
Caweysinka habeenba
Ku casuumay maanku

Adna caajis didisay
Caqligana bogsiisay
Cuud iyo udgoonna
Kuu cimaamadaye
Naftu kaama caagto

Kal cuddoonidaadu
Cir guduud waaberi
Dhulka wada caddaysee
Xiddigtii curataay
Ku casuumay maanku

Qaar ciil la loogan
Caashaqa dhibtiisa
Inana caraftiisa
Carafooy haleelnay
Cidla joog ma seexdo
Marku ciirsi waayo
Anigana codkaagu
Markuu culo kashayda
Cidlo kala fogaanay
Cadradyahay qurxooni
Caynadda muuqaagu
Isha wa u calaamad

Aduu ciiltiraay
Cisiga hadalkaagu
kashaydani cugaaye
Ruux kale codkeeda
Dhaguhu carin waaye
Kaska dega ceeblaay
Cimriga nolosheena
Yeynaan kala cadhoon

Cawo-dhalad ugbaadley
Carrabkaagu xantiyo
Waa mid ka ladan cayda
Ereyada cuddoonna
Wuu ku caan baxaye
Ha ku dhawro caadile
Cisiyo sharaf ku waar

duhurkoo cadceedda
caddaan lagu sheego
waxad tahay la caynade
quruxdiyo caddaanka
cirkoo roob ka da'ay
calcalyada xareedda
dhulkoo wada cagaar
iyo caraf qurxoon le
waxad tahay la caynade
daymadana cabaarbay
dad kugu cusleeyaan
kula wada cajiibaan

cag-fudayd socodkaaga
dhulku kaama cawdee
ducuu ku cabqariyaa
cidhibtiyo jidhkaaga 
caleemaha dhirtiyo
ciidiyo dhagaduna
ashqaraar cajiibay
eegmo cagahaaga
wada cawryi gaadheen
"Hal-abuur Xamse Maxamed Nuur

Comments

Post a Comment

Popular posts from this blog

Kasmo

Aqoontu kaskay dhistaa Waxay korisaa garaad Kalsoonida way hagtaa Kashay ku habtaa wanaag Korkaanay ka muuqataa Qofkii kasbadee haleela Waxay kobcisaa hankiisa Kartida ma dishee ogow Waxay ku kartaa dulqaad Adoo kufayoo is dhiibay Kacbay ku tidhaa dedaal Xiskaaga bal kaasho oo Ku kaab cilmigoo dhaqaaq Ka kori fadhigoo socdaal Hurdada kabo oo ha jiifin Goob kastoy ahaatiyo kob kastood is leedahay Kaalmaha aqoontiyo Waa kacaanka garashada Kadinkeeda gaadhoo Kooraha jahliga tuur Kawnku wuu socdaayoo kolna joogsan maayee Kaftan yaanu kaa lumin wakhtigaaga koobane Inta kulanka geerida Cimrigaaga kuu dhiman Kallah oo dedaal badi Hana kaadsan maalmaha Karaamo waxad heshaa Intaad kawnkiyo waxyiga Aqoon ka korodhsatee Ku kab garashada tacliin Kobtu waa adduunyee Ha kor joogin adigoon Kaaf iyo watiin iyo Kaska gelin quraankoo Marna kaalintaadiyo Kartidaadu yey lumin Hana koobin yoolkaa Nafta inad kadeedaa Kol ahaan dadaashaa Nolol kaah iftiinliyo ...
Post a Comment
Read more

Af soomaaliga

  AFKA SOOMAALIGA. Maanta oo kale taariikhdu, markay ku astaysantahay 21ka, bisha 2aad, sannad walba waxa la xusaa maalinta afka hooyo, oo dunida oo dhan dal kastaa u debaal dego; muhiimada afkiisa iyo qadarinta qiimaha afka dadkaasi ku ababay, ee isku af yaqaan, ahna waxa ka dhexeeya ee ay isku af gartaan, markii ay wada hadlayaan.  Muhiimadda afka kama geyoon karno, mana soo koobi karno;balse hadii aynu waxoogay iska dareensiinno, waxa inagu filan in Alle kor ahaaye inoogu gallad sheegtay afka, sida ku cad quraanka. Alraxmaan,4.  عَلَّمَهُ الْبَيَان. Wuxu Alle ina baray sida hadalka loo cadeeyo(aftahanimada) Sidoo kale jiritaanka Alle; tilmaamaha ama waxyaabaha ku tusinaya jiritaankiisa, waxa ka mida abuurida dhulka iyo samada iyo abuurka dad kala duwan muuqaalka iyo Afka. وَمِنْ ءَايَٰتِهِۦ خَلْقُ ٱلسَّمَٰوَٰتِ وَٱلْأَرْضِ وَٱخْتِلَٰفُ أَلْسِنَتِكُمْ وَأَلْوَٰنِكُمْ ۚ إِنَّ فِى ذَٰلِكَ لَءَايَٰتٍۢ لِّلْعَٰلِمِينَ. .Ibraahiim,4  Mar kale RABBI, isagoo ina tusinaya,...
Post a Comment
Read more

Qisadii Nebi Muuse iyo Fircoon

QISADII NEBI MUUSE IYO FIRCOON Waxan maanta is dul taagi doonaa haddii Rabbi inagu simo qisadii Nebi Muuse iyo Fircoon,waxaynu ka eegi doonaa saddex dhinac oo kala ah 1) dhalashadii Nebi Muuse . 2) Koriinkiisii iyo kaalingalkii waxyiga ka hor. 3) Markii uu xambaaray waxyigii RABBI .Waxaynu ogsoonnahay in maanta oo ay taariikhda hijrigu tahay  10-MUXARAM ay tahay maalinkii Ilaahay Nebi Muuse gargaar iyo guul ugu hiiliyey ee uu uga hiiliyey kibraanigii weynaa ee fircoon.Haddaba fircoon iyo Nebi Muuse waxay ka soo kala jeedeen laba qabiil oo kala ahaa reer          Qibdi iyo reer bani Israa'iil,Fircoon wuxu ahaa nin ka tirsan qabiilka reer Qibdi halka Nebi Muuse ka so jeeday reer bani Israa'iil. Qabiilka reer Qibdi waxa uu caan ku ahaa Sixirka iyo faalka,Maalin maalmaha ka mida ayey faal dhigtay islaan reer qibdi ka tirsan waxayna fircoon ku tidhi"Fircoonow waxa reer bani Israa'iil ka dhalan doona wiil adiga ku dila". Fircoon maalinka ka d...
Post a Comment
Read more